Target sang Department of Labor and Employment nga mahatag ang cash assistance nga P1.5 billion sa mga kwalipikado nga benepisyaryo subong nga semana bangud sa COVID-19 pandemic.
Suno kay Labor Secretary Silvestre Bello III, una na nga nahatag sang ahensya ang P441 million nga cash assistance sa mga empleyado sa bilog nga pungsod labi na sa mga wala makasulod sa trabaho bangud sa quarantine.
Dugang pa ni Bello nga magapatuman sang mga programa ang DOLE para mabuligan ang mga naapektuhan nga pangalabuhi-an bangud sa sitwasyon.
Pamaagi ini sa Tulong Panghanapbuhay sa ating Disadvantaged or Displaced Workers (TUPAD) program nga isa ka community-based package assistance nga magahatag sang emergency employment para sa mga displaced workers, underemployed kag seasonal workers sa sulod sang pulo tubtob 30 ka adlaw.
