Davao City – Gipaniguro sa ahensya sa gobyerno nga walay bayaran ang mga empleyado sa RT-PCR test sa COVID-19 isip dugang sa mga requirement karon sa sulod sa trabahoan kontra coronavirus disease kun COVID-19.
Gibutyag ni Paul Cruz, Technical Services and Support Division sa Department of Labor and Employment (DOLE-XI), magpahigayon sila og joint monitoring kauban ang Department of Trade and Industry (DTI) sa mga establisemento ug opisina.
“ We will go to establishments, may prioritization kami like malls, constructions, hotels etc to see to it that they comply with the safety and minimum health requirement at saka iyong testing naman po sabi ni Secretary to be shouldered by the employers,” sumala ni Cruz.
Sa pahayag ni Labor Secretary Silvestre Bello III, ang mga employers maoy mogasto sa RT-PCR sa mga mamumuo apan tungod sa kadako sa kantidad niini, maglisod usab ang mga gagmay’ng negosyo ilawom sa pandemya karon.
Matud ni Cruz, gipaabot pa nila ang supplemental memorandum sa DOLE Central Office kabahin sa mamahimong assistance sa testing ngadto sa mga trabahante diin maggikan sa Bayanihan 2 ang budget niini.
Gitin-aw ni Cruz nga ilang i-sumite sa IATF ang listahan sa mga kompanya kinsa wala maka-comply sa mga minimum health standards sulod sa mga trabahoan.
RadyoMaN Aimee Guinita
