2,000 kapin kon kulang ka mga tawo sa Misamis Oriental ug CdeO, nawad-an og trabaho sa pagpasira sa numbered games sa PCSO

Mokabat sa kapin kon kulang dos mil ka mga  tawo sa Misamis Oriental ug Cagayan  de  Oro ang nawad-an sa ilang trabaho human gipasirhan ni Presidente Duterte ang tanang Numbered games sa Philippine  Charity Sweepstake Office kon PCSO niadtong Sabado.

 

Mao kini ang gibutyag ni Asrid Jose Bana ang Presidente sa Misamis Oriental- Cagayan  de Oro Lotto Agent Association.

 

Matud ni  Bana nga kini nga ihap sa mga nawad-an sa trabaho kon ang duha lamang ka mga  empleyado sa kada lotto outlet sa Misamis Oriental  ug Cagayan de Oro.


 

Gibutyag ni Bana nga  mokabat sa  halos  usa ka libong lotto outlets sa Misamis Oriental  ug Cagayan  de Oro ang nagsira sukad niadtong Sabado tungod sa  mando ni Presidente Duterte.

 

Matud ni Bana nga ang mga operators sa Lotto Outlet sa Misamis Oriental ug Cagayan de Oro misuporta  sa kampanya ni Presidente Duterte batok sa Graft and corruption.

 

Gibutyag ni Bana nga naglaom pa gihapon ang mga Lotto Outlet Operators nga makabalik sa sayong panahon ang operation sa Numbered Games sa PCSO.

 

Sa iyang kabahin.

 

Gipahayag ni Police Lt. Col. Mardy  Hortillosa nga  naa na karon sa continuing monitoring ang kapolisan sa Region 10 human  gisirhan sa mga Lotto outlet operators ang ilang operation niadtong  Sabado.

 

Matud ni Hortillosa nga ang mga outlet operators sa Lotto mao na ang nag-bolontaryo pagsira sa ilang mga outlet ug wala na sila maghulat nga sirhan pa sa mga police.

 

Kini ang rason nga matud ni Hortillosa nga ilang gimonitor karon ang posibling pag-operate sa illegal peryahan ng bayan ug STL  dinhi sa mga lokalidad.

 

Matud ni Horillosa nga sigon sa ilang monitoring sa PNP nga 100 percent sa mga lotto outlets sa Region  10 ang nagsira sa ilang operation.

 

Basi sa record sa Camp Alagar, mokabat sa 1,900 ka mga Gaming schemes sa PCSO ang nagsira sukad niadtong Sabado.

 

Kini naglakip sa 1,386 sa STL, 208  sa Lotto ug 306 sa peryahan ng bayan.

 

Sa STL nga 1,386, 191 niini sa Cagayan  de Oro, 603 sa Bukidnon, 105 sa Lanao del Norte, 249 sa Iligan City, 235 sa Misamis Oriental ug tulo sa Misamis Occidental.

 

Sa 208 sa lotto outlet, 46 nini ang sa Cagayan  de Oro, 52 sa Bukidnon, 14 sa Lanao del Norte, 19 sa Iligan City, 29 sa Misamis Oriental ug 48 sa Misamis Occidental.

 

Sa 306  sa peryahan ng bayan, 73 sa Cagayan de Oro, usa sa Bukidnon, 232 sa Misamis Oriental ug 48 sa Misamis  Occidental.

 

Matud ni Hortillosa nga ang pagsira sa maong mga numbered games resulta sa 583 ka police operation sa region 10.

 

Si Police Brigadier General Rafael Santiago nga Regional Director sa PNP region 10, nangayog tabang sa mga sibilyan nga magpaluyo sa ilang operation batok sa numbered games silbing ilang pagtuman sa mando ni President Duterte.

Facebook Comments