Dose ka oras ang gidugayon sa pag-reduce sa supply sa COBI hinungdan sa pagkawala sa agas sa tubig sa pipila ka barangay dinhi sa CDO

Alas siyete ang takna kagabii nagsugod na og reduce ang supply sa tubig sa Cagayan de Oro Bulk Water Incorporated o COBI ug mibalik ang normal flow niini alas 6:55 ganinang buntag.

Kini ang gipahibalo ni Maam Ladel Sagrado, ang spokesperson sa Cagayan de Oro Water District.

Gipasabot usab ni Sagrado nga dili dungan ang pagbalik sa supply sa tubig sa pipila ka mga barangay ilabina sa mga elevated areas.

Tungod niini, nangayo og dispensa ang opisyal sa mga apektado sa pagkawala sa agas sa tubig apan gipasalig niining na-resume na ang supply aron mobalik ang normal nga supply sa tubig.