Gihangyo sa komitiba ni Konsehal Bong Lao ang Department of Health kon D-P-W-H nga mapaspasan ang paghuman sa ilang proyekto sa Valenzuela road ning syudad.
Kini tungod kay bisan og hinay lang ang pag-ulan nga masinati sa dakbayan, apan grabe na ang pagbaha sa area.
Matud ni Kon. Lao nga ang problema sa karon, kay wala pa na-construct ang pagsumpay gikan sa Valenzuela junction paingun sa Limketkai road, ug padulong sa Bitan-ag creek, tungod kay ang Memorandum of Agreement kon MOA tali sa Limketkai ug DPWH wala pa napirmahan.
Kini tungod kay buot karon sa Limketkai Corporation nga kung malangan ang proyekto sa DPWH, sila na ang motiwas niini.
Nasayran nga nakita sa Limketkai, nga sa mga proyekto sa DPWH, gakalangan ug gakabiyaan kini sa ahensiya nga mao usab ang gikahadlokan nga mahitabo.
Buot sa Limketkai Corporation nga iapil sa pagbutang sa MOA, nga panahon nga ma-delay og usa lang ka adlaw ang DWPH sa pagtrabaho, sila na ang mohuman niini ug ang ahensiya ang mobayad na lang kanila.
Samtang Daghang proyekto sa Department of Public Works and Highways kon DPWH ang on time nga nahuman.
Kini ang gibutyag ni 2nd District Cong. Rufus Rodriguez.
Matud ni Cong. Rodriguez nga kung walay mahimong sagabal, mahuman sa ahensiya ang proyekto sa may Valenzuela road, tungod kay adunay project study kung pila ka adlaw o bulan mahuman ang usa ka proyekto.
Dugang pa ni Cong. Rodriguez nga motabang siya sa paghangyo sa Limketkai Corporation aron nga mapadayun ug mahuman na ang proyekto.
