ILOILO CITY – Wala sang dapat kabalak-an ang publiko sa mangroves sa Iloilo river esplanade sa nagapadayun nga construction sang slope protection sang esplanade projects.
Ini ang pasalig ni DPWH-6 Asst. Regional Dir. Al Fruto kasunod sang nakita nga pagyellow sang ga mangrove sa construction site sang mga proyekto.
Ginkumpermar man ni Fruto nga nakigsaol na sila sa DENR kag City ENRO agud makahimo sang nagakaigo nga tikang nga indi makasablag sa pagtubo sang mga mangroves samtang nagapadayun ang proyekto.
Una diri ginmanduan sang DENR ang DPWH nga dapat may culvert ukon tamburong sila nga ibutang agud makasulod ang salt water sa lugar kun sa diin ginaconstruct ang slope protection para sa esplanade nga may nagakabuhi nga mangrover.
Matandaan nga nagreklamo mismo ang CENRO sa epekto sang proyekto sa mga mangroves halin sa Iloilo bridge sa diversion road tubtob sa likod sang Gaisano City La Paz kag River Queen Hotel.
