Davao City – Gikinahanglan na og hinanaling nga pagtagad ang mga delayed projects sama na lamang sa road constructions sa usa ka lugar.
Kini maoy gibutyag ni Department of Public Works and Highways (DPWH-XI) spokesperson Dean Ortiz sa pakighinabi kaniya diin plano nilang magpahigayon og inventory sa ilang mga miyembro.
“Tawagon nato ‘tong members involved in order for us to talk ug himay-himayon ang issue to see what the agency can do for them in order for them to expedite their project,” segun ni Ortiz.
Sa pikas bahin, gikalipay usab sa tigpamaba sa DPWH-XI ang positibong resulta sa bag-ohay lamang nga Ulas Bypass Road nga gikonsiderang ‘problematic area’ gumikan sa hilabihang traffic.
Samtang giseguro ni Ortiz nga mahuman ang bagohay lang gisugdan nga Davao Coastal Road Project sa administrasyong Duterte karong 2022, una siya mokanaug sa pwesto.
RadyoMaN Jason Amisola
