Wala siya sang nabatyagan nga adverse effect, matapos nga mabakunahan sang first dose sang Sinovac vaccine kahapon nga adlaw, suno kay Dr. Conrado Braña, Chief sang South Cotabato Provincial Hospital.
Samtang ang 2nd dose niya suno kay Dr. Braña ang sa Abril 5 naman suno pa.
Aminado man si Dr. Braña nga may pipila ka empleyado sang SCPH nga una nga nagpamalibad nga indi magbakuna, apang sa subong handa naman suno pa ang mga ini magpabakuna.
Nahibaluan nga ang SCPH ang may-yara sang 667 nga alokasyon sang Sinovac vaccine.
Paklaro naman ni Dr. Braña nga dapat indi lantawon ang efficacy rate sang bakuna kundi ang mahatag nga proteksyon sini nga indi makaeksperyensya sang malala nga COVID-19, matapos nga ginakwestyon ang manubo nga efficacy rate sang Sinovac vaccine.
Ginaekspektar naman si Dr. Braña nga sa tion nga mag-abot na ang bakuna para sa iban pa nga target population magpabakuna man ang mga ini kag indi na magduha-duha pa.
