Ginmanduan sang Department of Health (DOH) si Dr. Julius Julius Drilon, chief of hospital sang Corazon Locsin Montelibano Memorial Regional Hospital (CLMMRH) nga magsumiter sang counter affidavit angut sa reklamo nga ginpasaka batuk sa iya sa Office of the Ombudsman.
Ang mandu nga ginlagdaan ni DOH Undersecretary Dr. Abdullah Dumama Jr. ang may kaangtanan sa reklamo nga abuse of authority, grave misconduct kag harassment nga ginpasaka batuk sa iya ni Milagros Atienza, assistant chief nurse for clinical services sang CLMMRH.
Nabutang sa affidavit ni Atienza nga ini siya ang ginpapanaugan sang preventive suspension ni Drilon halin July 15, 2016 tubtub October 15, 2016 bangud sang wala balasehan (baseless) nga mga allegations.
Sa affidavit, ginsiling pa ni Atienza nga mahimo nagbalos si Drilon sa iya matapos nga ini ang nagtindog bilang isa sa mga testigo sa fact finding committee sang DOH nga nagpatigayon sang imbestigasyon sang December 2016 kag January 2017 nga gin-sumiter Office of the Ombudsman.
[image: image.png]
