DRA. CALONZO, TEMPORARYONG GI-RELIEVED ISIP LABAW SA CESU HUMAN ANG MGA ISYU SA BREACH OF PROTOCOL

24

General Santos City–Gikumpirma ni Gensan City Mayor Ronnel Rivera nga temporaryong gi-relieved isip labaw sa City Epidemiology Surveillance Unit kon CESU si Dra. Laline Calonzo kung asa kasamtangan kining anaa sa 21-day quarantine.


Saysay ni Mayor Rivera nga aduna kini Direkta nga Exposure sa magsuong Te ingon man sa usa ka LSI nga nagpositbo usab sa covid nga wala usab nituman sa protocol.

Atol sa gihimong imbestigasyon nasayran nga gawas sa magsuong Te, aduna pay usa ka LSI ang wala nituman sa protocol human kining mideretso sa usa ka hotel nga dili sakop sa quarantine facility sa LGU.

Dugang pamahayag ni Mayor Rivera nga subay sa ilahang inisyal nga imbestigasyon, nitawag matud pa si Dra. Calonzo kang Brgy. San Isidro Kapitan Jeprox Yumang aron nga sunduon ang duha ka mga anak ni Evelyn Te.

Samtang kung ipabilin isip Cesu si Dra. Calonzo magdepende matud pa kini sa mamahimong resulta sa ginahimong imbestigayson sa local IATF.

Sa karon, mas ginahatagan nila ug pagtagad ang ginahimo nga contact tracing ug masigurong walay mahitabong local transmission sa dakbayan.

Kalabot niini, gipaniguro ni Gensan City Mayor Ronnel Rivera nga walay mahitabiong whitewash sa imbestigasyon nga ginahimo ug ilaha gihapon nga huwaton ang tubag ni Dra. Lalaine Calonzo bahin sa maong isyu.




Saysay niya nga wala silay i-tolerate sa maong insidente bisan pa man ug kinsa ang maligsan sa nagapadayon nga imbestigasyon.

Magpabilin matud pa nga transparent ang LGU Gensan sa katawhan gumikan kini ang ilahang mandato hilabina sa pagbatok sa covid 19.

Facebook Comments