General Santos City— Dili pa makahatag ug konkretong pamahayag si Senator Riza Honteveros may kabahin na sa pagpirma ni Presidente Rodrigo Duterte sa Executive order mahitungod sa Endo ug kontraktualisayson.
Sumala niya nga basi sa inisyal nga impormasyon nga naka-abot kaniya, ang maong E.O ang basi sa draft sa Department Of Trade And Industry apan iyahang gilauman nga unta gikan sa Department of Labor and Employment kon DOLE ang draft ingon man gikan sa hut-ong sa mga trabahante.
Kung asa mukabat na matud pa sa lima ka draft gikan sa han-ay sa mga empelyado ang naunang gisubmitar sa buhatan sa presidente sa managlahing okasyon nga sila nagtagbo aron hisgutan ang maong butang.
Dugang pamahayag ni Senator Hontiveros nga kung ang E.O nga gipagawas ang tinud-anay ug alang sa mga empelaydo, dako ang iyahang pagtuo nga kini mamahimong solusyon sa dugay ng problema sa kontraktualisasyon sa nasud
Apan kung ang E.O matud pa ang gibase sa baruganan sa employers assocoation magpabilin matud pa kining problema.
Samtang iyahang gibutyag nga gawas sa maong E.O natapos na sa ubos balay balauranan ang ilahang security of tenure bill rason nga ilaha nalang ginapabot ang bersyon sa aron nga mahatagan ug dugang proteksyon ang mga empleyado.
