Patay na nga gidala sa balay-tambalanan ang drayber sa usa ka single motor nga gituohang lango sa ilimnong makahubog human mibangga ang gimanehuan niini ngadto sa punuan sa kahoy pasado ala 1:40 sa kadlawon adtong Sabado didto sa National Road, Purok-4, Barangay Bagontaas, Valencia City, Bukidnon.
Giila ang biktima nga si Elmark Arong, 20 anyos, ulitawo, ug residente sa Purok-11A, Bagontaas, Valencia City.
Sumala sa report sa kapulisan, gadagan gikan sa south nga direksyon ang biktima padulong sa norte nga direksyon sa dihang pag-abot sa lugar, kalit nga mitipas ang gimanehu niini ug didto mibangga sa kahoy.
Gumikan sa kasusog sa impak, patay ang drayber samtang landing sa balay-tambalanan ang angkas sa motor nga giilang si John Michael Ariola, 20 anyos, ug residente sa Purok-11A, Bagontaas, Valencia City.
Facebook Comments
