BACOLOD CITY – Gilayon nga nadakpan ang isa ka jeepney driver nga suspek sa pagpanglugos sa isa ka 15 anyos nga bata nga babayi kahapon sa Brgy. Felisa, Bacolod City.
Ang suspek ginkilala kay Maynard Bagallo, 22 anyos, residentesang Brgy. Taculing, ciudad sang Bacolod kag isa ka jeepney driver.
Suno sa imbestigasyon, sadtong Miyerkules, March 27 may mga las 4 sang hapon, nag-gwa ang biktima halin sa iya eskwelahan kag nag-sakay sa jeep nga gina-maneho sang suspek.
Ginpahayag nga nag joy ride ang biktima sa jeep tubtub naglab-ot na sa las 7 sang gab-i kon diin ginhagad pa ini sang suspek nga magkadto sa Brgy. Felisa sa iya tiyo agud nga mag-inom inom.
Sang nahubog na ang biktima, didto natabo kag ini ang gina-alegar ginlugos na sang suspek.
Matapos nga nagpanugid ang biktima sa natabo sa iya, gilayon nga ginpangita ang suspek kag ini ang nadakpan kahapon sa Brgy. Felisa kag detained na karon sa Police Station 10./
