New Washington, Aklan – Natigayon nga maarestto it mga kapulisan rong Top 7 Most Wanted sa Misamis Oriental kahapon it hapon sa Brgy. Pinamuk-an, New Washington, Aklan.
Rong akusado nakilaea kay JOSHUA WAPEN, 27-anyos, laborer ag presente man nga naga istar sa nasambit nga lugar.
Si Wapen hay gin aresto it mga taga Aklan PPO Trackers Team, Salay MPS, (Misamis Oriental) New Washington MPS, CIDG-Aklan,
605th MAPSTA ag PHPT pinaagi sa bisa kung warrant of arrest sa kasong pagbayolar sa Sec. 5 (b) it RA 7610 ukon Special Protection of Children against Abuse, Exploitation and Discrimination Act nga may Criminal Case 2014-244 nga gin issue ag ginpermahan ni Hon. Richard D. Mordeno, Presiding Judge, Branch 22, RTC 10, Cagayan de Oro nga may petsang Hunyo 19, 2014.
Nagtaeana rong korte it pyansa nga P 200,000.00 para sa anang temporaryong kahilwayan.
Iga turn-over man dayon ro nasambit nga akusado sa natungdang korte.
