TACLOBAN CITY – Nabunggo an ambulansya nga mayada gindadara nga pasyente tipakanhi ha syudad han Tacloban ha Brgy. Tabucan, Paranas Samar kanina han alas 4:50 han umagahon.
Basi ha report ginkilala an driver han ambulansya nga hi Elmer Pomarejos Robredillo, 46 anyos, may asawa ngan residente ha Malobago, Eastern Samar.
Ginkilala naman liwat an iya mga sakay nga hira Rafael Tabeuna Agno, 47 anyos ngan hi Paquito Tejerrero Tegio, 60 anyos, usa nga retired teacher ngan pareho nga residente ha Brgy. San Jose Dolores, Eastern Samar.
Basi han inisyal nga imbistigasyon han mga otoridad, tikang ha Dolores, Eastern Samar an mga biktima ngan pag-abot ha Brgy. Tabucan han Paranas in tigda hira nga nabunggo ha gilid han kalsada nga may mga puno, an rason kun kayano hira nabunggo in nahingaturog an driver han ambulansya. Han kakusog han padalagan, tumagilid an sarakyan.
Gindara naman ha Samar Provincial Hospital han Catbalogan an mga nasamaran nga biktima para matambal.
(Photo by Mel Caspe)
