Davao City – Laing drug pusher ang na-neutralisa sa kapolisan Sta. Ana PNP human nisukol matud pa atol sa gilusad nga buy-bust operation nahitabo alas 12:35 kaganihang kadlawon sa may Zuno St. Brgy. Ubalde, Agdao, siyudad sa Davao.
Sa spot report gikan Sta. Ana PNP, naila ang suspek nga si Melvin Olea Iyo, 18 anyos, tricycle driver, nagpuyo sa nahisgutang barangay.
Sa dihang gilusad sa kapolisan ang buy-bust operation, malampuson nga napalitan og marijuana ang suspect apan sa dihang nakamatikod kini nga iyang gikatransak usa ka police, gikuha sa suspek ang iyang armas ug dayon pusil ngadto sa puseur-buyer apan wala naigo ug nakabalos rason nga naigo kini sa nagkadaiyang parte sa kalawasan.
Gitabang sa kapolisan ang suspect ug gidala sa Southern Philippines Medical Center apan gideklara kini nga dead on arrival.
Nakuha gikan sa suspek ang upat ka putos nga papel nga dunay sulod nga pinaugang marijuana diin nagkantidad sa P900.
Si Melvin gituohan nga responsable sa pagpangawat sa mga panimalay sa area of responsibility sa Sta. Ana PNP ug Top 3 sa akyat-bahay suspect ingon man street level target human nalambigit usab sa pagpamaligya og iligal nga droga sa maong buhatan.
RadyoMaN Don Pulayao
