Samaran ang usa ka 22 anyos nga lalaki human mabangga ang gimanehong motor sa usa ka sakyanan nga gimaneho sa usa ka senior citizen mga alas 3:30 kagahapon sa hapon sa Zone 9, Anhawon, Bulua ning syudad.
Gidala sa Oro Rescue sa ospital ang biktimang si Carl Torion, taga Assumption Village, Zone 13, Barangay Patag .
Samtang ang driver sa Nissan terano mao si Terso Padilla, Sr., 76 anyos ug taga Apovel Subdivision, Barangay Bulua.
Sa interview sa dxCC-RMN, gibutyag ni Padilla nga nisubay siya sa Macapagal drive paingon sa Bulua highway nga direksyon ug sa dihang miliko kini pa wala pasulod sa bag-ong dalan sa Zone 9, Anhawon, Bulua didto na nabangga sa iyang sakyanan ang motorsiklo.
Ang maong aksidente giimbestigahan sa Bulua Police Station human sila napahibalo sa dxCC-RMN.
