Landig sa balay tambalanan ang usa ka driver sa motor ug ang angkas niini human kini aksidenteng na side swipe ang ilang gisakyang motor sa usa ka tricyle sa may Purok 1 Barangay Pugaan partikular duol sa outpost sa Task Force Kalikasan alas 2:20 ang talna sa hapon.
Sa initial nga imbestigasyon sa kapulisan, naila ang mga biktima nga sila si Renan Magsanay Cabaraban, 35 anyos minyo usa ka security guard ug molupyo sa Green Heights, barangay Luinab ning syudad sa Iligan, ingon man ang angkas niini nga nailang si Joneldan Taganas Salvo, 19 anyos, ulitawo ug residente sa Purok 5 Hinaplanon.
Matud pa, nga samtang nagdagan ang ilang gisakyang motor paatubang sa sidlakang direksyon, paghidangat nila sa may c3 road sa nasangpit nga lugar, aksidente kining na side swipe ang toong bahin sa motor sa walang bahin sa usa ka tricyle.
Sa kakusog sa impact, natumba ang driver lakip na ang angkas niini ug naka angkon ug dakong kadaot sa kalawasan ug daling gidala sa balay tambalanan.
Human sa maong insidente, daling misibat ang maong supek sa wala matino nga direksyon.
Sa dugang nga imbestigasyon sa traffic division, nasayran nga ang driver sa motor ang ubos sa ilimnong makahubog.
