Napasakaan na og kaso ang driver sa dump truck nga iya sa Oxford Mines Incorporated nga si Ruel Dumandan, 45 anyos minyo nga taga- Purok 6, Casisang, Malaybalay City, Bukidnon.
Mahinumdoman nga gikan sa ligid sa maong truck ang milagpot nga bato nga miigo sa windshield sa sakyanan ug sa nawong ni Bukidnon Election Supervisor Atty. Stalin Baguio kinsa namatay human sa insidente.
Gibutyag ni Police Lt. Col. Surky Sereñas, Hepe sa Valencia City Police Station nga human sa panghitabo gilayon silang mihimo og hot pursuit operation hinungdang ila dayong nasikop ang driver sa truck ug gi-detain sa Valencia City Police station.
Bisan gibutyag sa driver nga si Dumandan nga wala siya kabalo sa maong panghitabo, misaad usab ang tag-iya sa dump truck nga dili nila pasagdan ang maong kaso.
