Lunsay preso sa Jaro PNP ang mag utod nga sanday Antonio Biñas, 57 anyos, jeepney driver kag Arnel Biñas, 28 anyos, konduktor kag amu man si Eric Bargo, 39 anyos, jeepney driver, lunsay residente sang barangay Acuit, Barotac Nuevo, Iloilo matapos mag rinamble sa tagbak, Jaro sa atubang sang isa ka mall bangud gid lamang sa inagaway sang pasahero.
Base sa pag pangusisa sang RMN News team nga naga parking kag naga hulat sang pasahero si Eric Bargo sa Tagbak Terminal sang mag gwa kay iya torno kag mag pick up sang pasahero sa atubang sa CityMall Jaro.
Pag abot sa CityMall, ato na didto naga bantay ang mag utod nga sanday Antonio kag Arnel kag sang mag dulog ang jeep nga gina manehar ni Eric, ila ini gin saka sa jeep kag gin sapute, dala sumbag kag bungkol sang tubo.
Nakaagom sang pilas sa agtang si Eric kag pagpalanakit sang gusok bangud sa pag bungkol sa tubo sang mag utod.
Sang nag abot ang kapulisan, ini sila ang gin pang aresto sa pag tuga sang alarma eskandalo sa palibot.
Detain sila karun sa Jaro PNP.
