Patay ang driver sang duha ka mga motorsiklo sa nagluntad nga disgrasya sa dalanon sa Prk-2, Tubi-ala, Surallah, South Cotabato, alas 9:00 sang gab-i sang Enero 29, 2022. Imbolbado nga mga mototorsiklo ang isa ka Euro 150, colored blue, wala sang plate number kag ginamaneho ni Kenneth Tipon Francisco, 24 years old kag residente sang Brgy. El nonok, Banga, South Cotabato kag isa ka Pinoy 125 motorcycle, colored red wala sang plate number, ginamaneho ni Paolo Lamputi, 18 years old, single, kag residente sang Prk. Riverside, Tubi-ala, Surallah. Sa inisyal nga imbestigasyon sang Surallah MPS, ang duha ka mga motorsiklo ang nagabyahe sa opposite direction kag pag-abot sa natabuan sang insidente nagbungguanay ang duha ka mga salakyan. Resulta nakaangkon sang fatal injuries ang duha ka mga biktima.
Facebook Comments
