Patay ang isa ka persona, matapos lab-on sa Purok 3, Sitio Kalyong, Brgy. Landan, Polomolok, South Cotabato, alas 2:00 sang hapon, Enero 30, 2022. Ginkilala ang biktima kay Jerald Lantingan, 20 anyos, single, mangunguma kag residente sang nasambit nga lugar. Base sa imbestigasyon sang Polomolok MPS, samtang papauli na ang biktima matapos nga mag-inom-inom sang hinali na lang nga ginlabo sang suspek nga si Martines Gulili Maladianon , 34 anyos, mangunguma kag residente man sang nasambit nga lugar gamit ang isa ka lagaraw. Nakaangkon sang labo sa abaga kag guya ang biktima nga nangin tunaan sang iya hinali nga kamatayon. Personal grudge naman ang ginalantaw nga motibo sa nasambit nga insidente. Kaso nga murder ang natalana nga ipasaka batok sa suspek.
Facebook Comments
