Milagro pa nga nakaluwas ang driver sang Elf truck nga si Salvador Contreras sang Holy Family Subdivision, Lapuz matapos makabunggo sa trailer truck ang iya ginamaneho nga salakyan subong lamang nga gab-i sa Barangay Hinactacan, Lapaz kon sa diin wasak gid ang ulo sang elf kag naipit ini sa manibela.
Base sa imbestigasyon ni PO2 Van Eric Solarte, ginpahayag nga natabu ang insidente mga alas 8:30 sini nga gab-i matapos mag-overtake sa tanker ang ginamaneho nga elf ni Contreras sang makabunggo naman sa naulihi nga bahin sang trailer truck nga ginamaneho ni Julie Dela cruz.
Bangud sini, wasak ang nauna ukon ulo sang elf kag naipit si Contreras kon sa diin halos nabalbag ang iya nawala nga batiis apang luwas ini sa katalagman.
Nahibaluan nga imposible na nga mabuhi ang sin-o man nga makasugata sang kaangay nga aksidente kabangdanan nga makabig nga milagro nga nabuhi pa ang nasambit nga driver.
