BACOLOD CITY – Patay ang isa ka lalaki nga nagsakay sa iya motor matapos ini madalasa sang isa ka truck nga kargado sang semento kag iban pa gid nga construction materials pasado las 9 sini gid lamang nga aga sa area sang Purok Tilapia, Brgy 3, Bacolod City.
Suno sa pulis ang amo nga truck ang gina-maneho ni Ronaldo Estrella, 43 anyos, residente sang Brgy. 30, Bacolod City.
Ang truck iya sang C-One Trading and Construction Supply kon diin karga sini ang mga saku sang semento, plywood kag iban pa nga construction materials sang natabo ang aksidente.
Ginpahayag nga nadalasa sang truck ang motor bangud na-alang alang ini sa pag-apply sang break gani ginyudyod gid sini paidalum ang biktima antis naman nabungguan ang isa ka hardware store sa kilod sang highway.
Nakilala ang biktima kay Jason Juson, 26 anyos sang San Dionisio, Barangay Granada syudad sang Bacolod./dyHB BACOLOD
