Dead on arrival sa hospital ang driver sang isa ka motorsiklo, matapos nga nahulog sa tulay sa Brgy. Upper Klinan, Polomolok, South Cotabato alas 12:57 sang hapon sang Disyembre 6, 2020.
Sa imbestigasyon sang Polomolok MPS ang biktima nga si Daryl Ek Ganacial , 25 anyos, single kag residente sang Prk. Pagkakaisa, Brgy. Maligo, Polomolok, South Cotabato ang sakay sa Honda XRM 125 nga motorsiklo sini ang nagabyahe sa Brgy. Upper Klinan Road particular na sa Prk. Paglaom padulong sa Brgy. Cannery Site, apang pag-abot sa nasambit nga lugar nawad-an sang kontrol ang biktima kag nahulog sa tulay.
Nakaangkon ang biktima sang serysoso nga head kag body injury nga gilayon man nga gindala sa Howard Hubbard Memorial Hospital, apang gindeklarar nga dead on arrival (DOA) sang attending physician.
