Driver sang motorsiklo, patay matapos bungguan sang mga nagapakarera nga motorsiklo sa Koronadal City.

25

Ginbawian sang kabuhi ang driver sang isa ka motorsiklo, matapos nga nabungguan sang mga nagadrag- race sa national highway, Brgy. Carpenter Hill, Koronadal City, pasado alas 5:00 sang hapon, kahapon nga adlaw, Oktubre 28, 2020.
Ginkilala ang biktima kay Danilo Morada Musico, 44-anyos kag residente sang Villa Pag-asa, Brgy. Carpenterhill, Koronadal City nga nakaangkon sang malala nga pilas sa parte sang iya nga lawas nga tunaan sang iya kamatayon.
Sa imbestigasyon sang traffic section sang Koronadal City Police Station ang apat ka mga driver sang motorsiklo ang nagapakarerar halin sa roundball padulong sa Tupi, , apang pag-abot sa atubang sang UP School, ang vehicle 2 ang aksidente sini nga nabungguan ang Yamaha sight motorcycle nga ginamaneho sang biktima.
Ang mga imbolbado naman sa drag race ang ginkilala kanday John Rey Ulanday, 20-anyos , residente sang Purok Maunlad, Saravia, Koronadal City, Mc John Paul Alta Acuzar, 19 years old, residente sang Purok Upper Cebuano, Pob, Tupi, South Cotabato Nico Pitogo, residente sang Purok Ilang-ilang, Koronadal City kag isa ka 17-anyos nga pareho nagamaneho sang Zuzuki raider 150..
Sa subong ang 4 ka mga suzuki raider150 nga imbolbado sa karera ang yara sa kustodiya sang PNP Traffic.

Facebook Comments