Driver sang motorsiklo patay, matapos nga nadisgrasya sa Surallah, South Cotabato.

13

Nabawian sang kabuhi ang driver sang motorsiklo sa nagluntad nga disgrasya sa dalanon sa Sitio San Roque, Brgy. Centrala, Surallah, South Cotabato, alas 6:50 sang aga, kahapon nga adlaw, Hunyo 6, 2021.
Sa imbestigasyon sang Surallah MPS imbolbado sa nasambit nga insidente ang isa ka unit sang Honda TMX 125 bilang V1 nga ginamaneho sang biktima nga si Glen Avanzado Salamanca, 51-anyos, security guard kag residente sang Sitio San Roque, Brgy. Centrala, Surallah, South Cotabato kag isa ka Isuzu Elf bilang V2 nga ginamaneho ni Antonio Nuvero Orbiguso, 55 years old, kag residente sang Brgy. Apos, T’Boli.
Nagagwa sa imbestigasyon sang Surallah MPS nga ang duha ka salakyan ang nagasubay sa pareho nga dalan kag pag-abot sa nasambit nga lugar ang motorsiklo ang nag signal nga magliko sa wala, apang aksidente ini nga nabungguan sang Elf .
Gindala pa sa ospital ang driver sang motorsiklo, apang gindeklarar nga dead on arrival sang attending physician tungod sa naangkon nga seryoso nga pilas.
Ginkustodiya naman sang Surallah MPS ang driver sang Elf.

Facebook Comments