Davao City – Duha ka indibidwal ang nadakpan sa buy bust operation nga gilusad sa Claveria, Brgy. 38-D, Davao City.
Giila sa Special Operation Group (SOG) ug City Drug Enforcement Unit ang mga naaresto nga sila Lance Orillo, 35 anyos, driver, nagpuyo sa Aurora St. ning dakbayan ug Reo Vincent Aguilar, 27 anyos, residente sa nasangpit nga lugar.
Narekober gikan sa ilang possession ang usa ka medium elongated size transparent plastic heat sealed sachet mokantidad sa P2, 000 diin lakip nakumpiska ang P500 nga buy bust money, ug usa ka keypad nga cellphone nga maoy gigamit sa illegal transaction.
Balhug na sa selda sa kapulisan ang duha ka dinakpan ug mag-atubang og kasong kalapasan sa RA 9165 Comprehensive Dangerous Drugs Act of 2002.
Samtang, nakasuhan na ang usa ka Sales Supervisor nga si alyas Boh, 46 anyos, residente sa Boulevard Mabini St, Davao City tungod sa kalapasan sa liquor diin nadakpan kini human naaktuhan nga namaligya og mga ilimnon ug canister butane sa may CM Recto St. ning syudad sa Davao.
RadyoMan Don Pulayao
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
