Gipareglahan ug gitigbas ang driver ug pahinante sa usa ka prime mover nga taga Misamis Oriental didto sa Butuan City kagabei.
Naila ang mga biktima nga sila si Clifford Semine Tangara, driver, ug ang pahinante nga si Jericho Gabriel, hingkod ang edad, parehong residente sa Tagoloan, Misamis Oriental.
Nasayran nga samtang nagparking ang gisakyang prime mover sa mga biktima nga gipanag-iyahan sa AAQ hauling services sa Langihan road nga sakop sa Barangay San Ignacio, kalit lamang nga gisaka ug gipangtigbas ug gipanglukata sa mga miyembro sa gang.
Ang maong prime mover ang nagkarga og mga construction material nga ideliver unta sa usa sa mga hardware sa Langihan.
Facebook Comments
