Davao City- Walay na-encounter nga technical problem ang Land Transportation Office kun LTO-XI atol sa ilang unang adlaw sa pag-release sa driver’s license cards nga adunay 5-year validity.
Segun ni LTO-XI Regional Director Atty Gomer Dy nga paspas ang sistema ug daling nakuha sa mga drivers ang ilang mga bag-ong license cards.
Sumala pa ni Dy nga si Atty Mans Carpio bana ni Mayor Inday Sara Duterte-Carpio, usa niadtong nikuha sa iyang lisensya sulod lamang sa unom ka minutos diin na-release ra dayon ang iyang license card.
Nagtagana og 100mbs nga speed sa internet ang LTO XI para sa machine nga muimprinta sa mga bag-ong license cards og aron malikayan kini nga mokagar.
Gipakusgan na sab sa LTO XI ang mga internet speed sa duha ka mga district offices niini sa Island Garden City of Samal ug Digos City diin kaniadto wala kini nakapasar sa gi-require nga internet speed sa machine nga muimprinta sa mga license cards.
Gibutyag ni Dy nga ang Davao Region adunay 150,000 ka mga drivers ang ni-apply alang sa non- professional, professional drivers license ug nag-renew og lisensya aron modawat og lima ka tuig nga valid license cards human nag-cut-off alang sa 3-year validity sa driver’s license niadtong November 2, 2016.
RadyoMan Aimee Guinita
