Lima sa 42 nga nadakpan sa anti-drug operation sang Koronadal City ang menor edad nga babaye halin sang Enero tubtob subong nga bulan sang Marso. Suno kay Police Supt. Ronald Allan Peñaverde, Chief of Police sang Koronadal City Pnp ang nasambit nga mga menor de edad ang nadala sa iligal nga buluhaton sang mga drug suspek nga yara sa legal nga pang-edaron nga may edad nga 35-anyos pataas. Dugang pa niya kon wala sang kwarta nga ibakal ang mga kabataan kaugalingon na lang nila ang ila sini ginabayad para lang nga mahatagan sang droga. Samtang, nagapati si Peñaverde nga madamo pa sang mga kabataan ang naimbolber sa iligal nga druga dire sa syudad sang Koronadal tungod dire ang sentro kag may mga dalagko nga eskwelahan. Dugang pa sang Chief of Police may programa naman sa subong ang Lgu sang Koronadal nga nakatutok para sa mga menor de edad nga malikaw ang mga ini sa iligal nga buluhaton. Samtang ang 5 ka mga menor de edad nga babaye ang yara sa ila kustodiya, apang ang mga lalaki ang yara na sa Bahay Pag-asa sang Koronadal. <www.avast.com/sig-email?utm_medium=email&utm_source=link&utm_campaign=sig-email&utm_content=webmail>
