General Santos City— Gi-angkon ni Police Chief Superintendent Marcelo Morales, Regional Director sa Police Regional Office 12 nga dakong hagit gyud sa kapulisan ang pagbatok sa illegal nga droga ingon man terorismo.
Rason nga sa karon, ilaha pang mas gipakusgan ang kampanya batok illegal nga droga pinaagi sa pagpahigayon ug halapad nga mga operasyon kung asa matag semana matud pa ang ginahimong pagmonitor sa ilahang mga accomplishment.
Pagpasalamat niini nga adunay mga pribadong organisasyon nga nagatabang kanila sa pag-edukar mga miyembro sa kapulisan sa pagpahigayon ug operasyon batok droga.
Samtang sa hisgutanang terorismo, gibutyag ni General Morales nga padayon ang ilahang ginahimo nga pakig-alayon sa ubang ahensya.
Gani, nagapahigayon man usab sila ug mga joint operation ingon man intelligence meeting alang sa mas maayong intelligence assestment sa mga posibleng target.
Pagpaklaro ni General Morales nga sa karon wala silay mga bag-ong namonitor nga mga grupo nga nakahatag ug bahad sa siguridad gawas lang sa mga daang lambigit sa terorismo.
