Roxas City, Capiz – Arestado 49-anyos nga mister matapos ang madinalag-on nga drug buy bust operation sang mga katapo sang Provincial Drugs Enforcement Unit (PDEU) sang Capiz Police Provincial Office sa Mckinley Street, Barangay 1, Roxas City mga 8:00 ang takna subong lang gid nga gab-i.
Ginkilala ang suspek sa kay Ricky Cordovero alyas ‘Tabot’, residente sang nasambit man nga barangay. Narekober sa mga kamot ni Cordovero ang apat ka sachets sang suspected shabu, P1,000 nga marked money, cellphone kag mga drug paraphernalia.
Nahibaluan nga madugay na nga ginpaidalom sa monitoring sang mga kapulisan si Cordovero antes ginpatigayon ang operasyon batuk sa iya. Si Cordovero ang isa man sa mga drug surrenderers sang nasambit nga barangay apang liwat nga nagbalik sa pagduso sang illegal nga droga.
Magapangatubang sang kaso nga paglapas sa RA 9165 ukon Comprehensive Drugs Act of 2002 ang nasambit nga suspek.
