Roxas City – Dakop sang mga katapo sang Provincial Drug Enforcement Unit sang CPPO kag PDEA 6 ang duha ka mga persona pinaagi sa buy bust operation sa Brgy. Lawaan, Roxas City alas 4:00 kahapon sang hapon.
Ginkilala ang mga subject person nga amo sanday Jhon Alcher Acepcion 21-anyos may asawa, residente sang Bolo Roxas City kag temporaryo nga nagapuyo sa Kilometer 2 sang nasambit nga barangay.
Samtang dakop man ang upod sini nga si Antipolo Diaz y dela Cruz, 43-anyos residente sang Purok Uno Brgy. Libas, Roxas City. Narekober sa amo nga mga persona ang kabug-usan nga anum ka sachet sang ginsuspetsahan shabu, buy bust money nga 500 pesos kag pila ka mga drug paraphernalias.
Ang amo nga mga persona ang magapangatubang snag kaso nga paglapas sa R.A 9165 ukon Comprehensive Dangerous Drugs Act of 2002.
