Masobra sa isa ka gatos ka libo ka pesos nga balor sang suspected shabu ang natigayon nga ma-kumpiskar sa anum ka mga suspek sa ginpatigayon nga buybust operation las 10 kaina sang aga (July 3) sa Purok Pag-isa, Brgy. Bata, Bacolod City.
Base sa record sang pulis, ang mga suspek nakilala nga sanday Ruben A. Sause, Raniel D. Pecardal, Jhonrey R. Yanson, Jhon Jhon G. Batusin, Yul P. Esparagoza kag Analyn G. Batusin, tanan residente sang amo nga barangay.
Ginpatigayon sang mga katapos sang PDEA, Negros Occidental Provincial Police Office ang buybust sa diin natigayon nga ma-dismantle sang mga utoridad ang amo nga drug den.
Narecover sa operasyon ang kapin 15 grams ( more or less ) sang suspected shabu nga may ginabulubanta nagabalor sang kapin 102,000 pesos.
[image: image.png]
