SAN CARLOS CITY, NEGROS OCCIDENTAL – Siyam ka mga persona lakip na ang 3 ka mga menor de edad ang nagkaladakpan sa ginpatigayon nga buy bust operation kahapon sang aga sa San Carlos City.
Nakilala ang mga suspek nga amo sanday Oscar Santillan, 53 anyos ang edad residente sang Brgy. Rizal, Dante Visen, 33 anyos sang Brgy. 2, George Caballero, 45 anyos sang Brgy. 1, Michael Lagnason, 39 anyos ang Brgy. 5, Mora Allera, 49 anyos sang Brg. 5 tanan sang San Carlos City.
Lakip pa gid sa nadakpan amo sanday Rex Romero, 33, sang Brgy. Makiling, Sagay City, Abraham Caruscay, 56 sang Brgy. 5, San Carlos City, Efren Fernandez, 43 sang Vallehermo, Negros Orienal, Warlo Canoneo, 38 sang Brgy. 2, San Carlos City lakip na ang 3 ka mga menor de edad.
Ang buybust ginpatigayon mga las 11:10 kahapon sang aga sa San Juan Tunga, Brgy. 5, San Carlos City pinaagi sa joint elements sang San Carlos City Police Station kag sang PDEA Region 6.
Nakuha sa mga suspek ang kapin 13 ka sachet sang suspected shabu, 2 ka cellphone, drug paraphernalia kag P1k pesos nga buy bust money.
Ang lugar kilala man nga hukmungan sang mga nagagamit sang shabu.
Sa karon detained na sa custodial facility sang San Carlos CPS ang mga suspek samtang ang 3 ka mga menor de edad ang ginturn-over na sa DSWD./dyHB BACOLOD
