Pagadian City – Pakusgan pa ang kampanya batok sa gidili nga droga kini ang unod sa gipahigayong Provincial Peace and Order Council (PPOC) Meeting kagahapong adlawa sa Conference Room sa Provincial Capitol.
Ang maong tigom gitabungan nga tag-as nga opesyal sa kapulisan, Kasundaluhan, Philippine Coastguard, National Bureau of Investigation, Department of Interior and Local Government, Philippine Drug Enforcement Agency kun PDEA ug kadagkaun sa provincial government.
Atol sa tigom gimando ni Zamboanga del Sur Governor Victor Yu ngadto sa kapulisan nga mas pakusgan pa ang kampanya batok sa ginadili nga druga dungan ang pag-awhag sa Brgy. Anti-Drug Abuse Council (BADAC) nga seryosuhon ang ilang trabaho aron mamahimong drug cleared ang matag barangay.
Gi-awhag sa gobernador ang PDEA ug kapolisan nga e-rekomenda ngadto sa DILG nga pasakaan og reklamo ug kaso ang mga opisyales sa Barangay o BADAC nga wala mohimo ilang tahas.
Laraw sa kagamhanang probinsyal mamahimong drug free ang lalawigan sa daling panahon.
Photo Courtesy to Victory Zamboanga del Sur
