Davao City – Padayon karon ang pagduso sa Philippine Drug Enforcement Agency (PDEA) sa ilang kampanya labot sa drug-free work place sa tibuok rehiyon.
Sa interbyu sa DXDC RMN Davao kang PDEA-XI Regional Director Antonio Rivera, gibutyag niini nga gawas sa ilang mga operasyon batok sa iligal nga droga padayon usab ang ilang kampanya ug mga programa sama sa drug-free workplace sa matag lokalidad.
“Drug-free workplace program ginaduso nato. Naa tay ginaduso nga mga barangay drug clearing program. Aside sa atoang mga operations nato against illegal drugs, gahimo niana nga mga activities,” saysay ni Rivera.
Gibutyag ni Rivera nga positibo usab ang tubag sa mga business establishments, mga government agencies labot sa pag-adopt sa drug-free workplace nga kabahin sa programa sa kagamhanan aron hinay-hinay nga mabatokan ang problema sa droga sa tibuok nasud.
RadyoMaN Kirby Manzon
