BACOLOD CITY – Ginabulubanta nagdangat sa kapin P910 mil pesos nga balor sang suspected shabu ang natigayon nga ma recover sang mga utoridad sa ginpatigayon nga buy bust operation kagab-i sa Brgy. Balaring, Silay City.
Nakilala ang suspek nga nadakpan nga amo si Junray Jumatay samtang nakapalagyo naman ang isa pa ka suspek nga nakilala kay Mark Velasco.
Ginpahayag nga mga las 6:30 kagab-i sa Sitio Iglesia, Brgy. Balaring, ginpatigayon sang Silay PNP, PDEA kag SWAT ang amo nga drug operations.
Nakuha sang pulis halin sa suspek ang isa ka daku nga sachet sang suspected shabu, 6 ka medium size sachet sang suspected shabu, 2 ka elongated sachet sang suspected shabu.
Ang amo nga recoveries ginabulubanta nagdangat sa kapin P910 mil pesos./dyHB BACOLOD
