WESTERN VISAYAS – Nagdangat sa kapin 63 ka mga anti drug operations ang ginpatigayon sang Police Regional Office 6 sa bulan pa lamang sag Abril.
Sa amo nga operasyon, kapin sa 78 ka mga drugs suspects ang nadakpan sa bilog nga Western Visayas.
Sa bulan sang Marso, kapin naman sa 174 ka mga drug suspects ang nadakpan gikan sa 124 ka mga anti-drugs operations.
Sini nga bulan sang Mayo naman, kapin sa 76 ka mga drug personalities ang na-aresto gikan sa 49 ka police operations.
Suno kay outgoing regional police director Chief Superintendent Cesar Hawthorne Binag, nag-nubo ang drug operations sa sulod sang duha ka bulan.
Ini bangud suno sa iya kalabanan sang kapulisan ang gin-deploy sa mga dalagku-an nga events kaangay sang Capiztahan Festival sa Capiz, Pana-ad sa Negros Festival, Barangay kag SK Elections kag sa closure sang Boracay./Dritskie Dioso photo
