SAGAY CITY – Patay ang isa ka drug personality nga ara sa watchlist sang ciudad sang Sagay matapos gintiro sang makapila ka beses sang riding in tandem.
Las 12:15 kaina sang kaagahon, Marso 17, magasarado na sang gate sang ila puloy-an ang biktima nga ginkilala kay Stephen Emnace, 43 anyus sang Fortune Ville, Brgy. Rizal sang hinali nga ini sya ang gintiro sang riding in tandem nga nakasuksok sang itom nga jacket.
Pula nga XRM ang gamit sang duha ka mga suspek.
Ginhingagaw pa dala ang biktima sa Lodif Hospital sa ciudad sang Sagay apang ini ang ginbawian na sang kabuhi.
Sa imbestigasyon sang mga kapulisan nakita sa crime scene ang apat ka baseyo sang calibre. 45 nga pistola.
Wala pa sang natumod nga suspek ang mga otoridad.
Facebook Comments
