Davao City – Giaresto sa Sta Ana PNP ang usa ka drug pusher atol sa gilusad nga buy bust operation ala 1:40 sa kahaponon sa Barangay 76-A Boulevard siyudad sa Davao.
Subay sa report gikan sa Sta Ana Pnp naila ang dinakpan nga usa ka Benhar Hoslain, 40 anyos, residente sa nasangpit nga lugar ug gikan Barangay Tacub Sta Cruz Davao del Sur.
Giposasan ang maong suspek human kini napalitan og usa ka sachet nga gituohang shabu sa usa ka poseur buyer.
Narekober sa kapolisan sa dinakpan ang usa ka elongated heat sealed transparent plastic sachet, buy bust money nga 500.00 pesos lakip nakuha ang personal nga kwarta sa dinakpan nga mokantidad og 50.00.
Ang dinakpan nga si Hoslain balhug na sa Sta Ana Pnp ug gihikay na sa kapolisan ang kasong kalapasan sa RA 9165 kun Comprehensive Dangerous Drugs Act of 2002.
RadyoMaN Don Pulayao
