Naka-ikyas sa kamot sa kapolisan ang usa ka drug pusher atol sa Anti drug buy bust operation mga alas 4:30 sa hapon.
Gibutyag ni Carmen Police Chief, Senior Inspector Demver Vergara nga ang mi-ikyas nga suspek mao si Marvin Gomez, hingkod ang panuigon nga taga Zone 6, Tinago, Kauswagan ning syudad sa Cagayan de Oro.
Matud ni Vergara nga mga alas 4:30 sa hapon ang kapolisan sa Carmen naglunsad sa buy bust operation sa Capisnon, Kauswagan, apan imbis dakpon na unta sa mga otoridad ang maong suspect kalit kining midagan ug wala na magpakita hangtud sa pagsulat ning balita.
Hinoon, nakuha sa mga pulis ang usa ka pakete sa gituohang shabu gikan sa maong suspek.
Apan ang 1,500 pesos nga marked money sa kapulisan nadala sa suspek sa iyang pag-ikyas.
Matud ni Vergara nga bisan naka-ikyas si Gomez dili pa gihapon kini makalikay sa kasong illegal drug pushing nga ilang ipasaka sa piskalya.
By: RadyoMan Nitz Arancon and RadyoMan Annaliza A. Reyes
