Davao City – Napusilan-patay sa kapulisan ang usa ka drug pusher sa buy-bust operation sa Panacan ning siyudad sa Davao alas 9:00 sa gabii.
Mibunot matud pa og pistola ang suspek nga si Saito Pongo, residente sa Madaum, Tagum City, Davao Del Norte.
Sa imbestigasyon sa Sasa Police, giingong nakabantay ang suspek nga pulis ang mipalit kaniya og droga maong mibunot kini sa iyang armas de fuego ug dayon namusil punting sa otoridad isip poseur buyer, apan paspas nakabalos ang mga elemento sa Sasa Police Station ug naigo sa ulo nga miresulta sa hinanaling kamatayon ni Pongo.
Nakuha gikan kang Pongo ang mga pakete sa droga nga mukantidad tanan sa 20 mil pesos, cellphone, Marked money lakip na ang pistola nga dunay duha ka bala sa 9mm.
Ang suspek nalakip sa listahan sa mga tigpayuhot og iligal nga droga sa Area of Responsibility sa Presinto 4 diin niabot sab og pila ka adlaw ang surveillance alang sa pagsikop niini.
Ang patay’ng lawas gidala na sa Rivera funeral parlor sa Sasa ning siyudad.
RadyoMaN Joel Viray
