General Santos City—sikop sa operatiba sa Philippine Drug Enforcement Agency (PDEA) Regional Office -12 sa pagpanguna ni Director Gil Cesario Castro ang usa ka drug surrenderee atol sa gihimong buy–bust operation sa may Apitong St., Purok Ilang–Ilang , Barangay New Isabela, Tacurong City, Sultan Kudarat 8:30 ang takna kagahapong adlawa, August 29, 2017.
Ang suspek giilang si Marvin Betito y Buendicho (Watchlisted), 32, ulitawo, mekaniko ug residenti sa Quezon Avenue, Brgy. Poblacion, Tacurong City.
Nasikop ang suspek human napalitan ug (1) ka sachet sa gituohang Methamphetamine hydrochloride o shabu gamit ang marked money nga P500.00.
Nakuha sa posisyon sa suspek ang (1) ka sachet sa suspected shabu nga dunay timbang nga kapin kon kulang .5 gramo nga nagkantidad ug P2,500.00 ug (3) ka P500.00 bill.
Kasong kalapasan sa Section 5 (Sale of Dangerous Drugs) sa Article II ilawom sa Republic Act 9165 (The Comprehensive Dangerous Drugs Act of 2002) ang gikatakdang ipasang-at nga kaso sa PDEA-12 batopk sa suspek nga balhog karon sa PDEA-12 Detention Facility.
