Nagpaidalom na sa medical examination si Richard Magdael, 43 anyos kasado kag residente sang South Baluarte, Molo matapos gin pahayag gin kastigo sang pulis nga gin kilala sa kay Alyas Batman nga assign sa Police Regional Office 6.
Sa pahayag sang himata sang biktima nga natabo ang insidente sabado sang nagligad nga gab-i samtang ini ang ara sa drug rehab program sang kapulisan nga nakabase sa Campo Delgado.
Sa pahayag sang pamilya nga nag ayo si Richard Magdael nga mapahuway kay ginhapo sa ila push up kag wala ya ini matapos.
Ginhambalan sya sang pulis nga mag kadto sa higad kag pila ka minutos ang nagligad, gintawag sya sang kapareho nga surrenderer kag gin hambalan nga ginapatawag sya sang pulis.
Didto sya ang gin dala sa likod kag gin takpan ang iya mata sang tela kag gindala sa gina pasuni dark room kag didto gin sakit nga halos tanan nya nga igo ang ara sa iya nga tyan nga nag marka gid.
Apang sa piyak sang natabo padayon sa gihapon nga naga sulod sa rehab program sang kapulisan si Magdael kay gusto gid sini mag reporma kag mag bag-o.
