Nabugto ang kinabuhi sa usa ka illegal drugs suspect tungod matod pa nisukol human milusad og operasyon ang Polomolok Municipal Police Station kauban ang ubang unit sa kapolisan sa South Cotabato Martes sa hapon.
Sumala sa imbestigasyon sa Polomolok PNP giila ang suspek sa pangalang Qilikirk Quiranti, legal age og residente sa Prk. Mabuhay, Brgy. Magsaysay, Koronadal City kung asa nahitabo ang entrapment operation pinaagi sa Buy-bust sa Prk. 1, Barangay Glamang, Polomolok, South Cotabato.
Dugang imbestigasyon sa kapolisan, natuman ang pagpalit sa poseur buyer na pulis og pakete sa gidudahang shabu ngadto sa suspek gamit ang 500 pesos na markadong salapi.
Mi-signal ang poseur buyer na pulis nga arestuhon na ang suspek apan nakamatikod nga pulis ang nakatransaksyon rason mibunlot og armas dayon gipabuto ngadto sa poseur buyer na pulis.
Mibalos og pabuto ang kaubanang pulis hinungdan nakahiagom og gunshot wounds sa kalawasan ang suspetsado.
Gidali pagdala ngadto sa Polomolok Municipal Hospital pinaagi sa pagresponde sa MDRRMC rescue team aron matambalan apan gideklarang declared dead on arrival ni Dr. Graciano Vencer.
Samtang sa pagbuhat og crime scene investigation sa taga SOCO South Cotabato gipangunahan ni Police Captain Jessie Garcia nakarekober sila og pipila ka ebidensya sama sa tulo ka fired cartridge case sa caliber 9mm, usa ka unit na homemade Cal.357 Magnum revolver nga loaded og usa ka nibuto nga bala ug tulo ka buhing bala sa samang kalibre sa armas, RS 125 Fi na motorsiklo sa suspek, Penshoppe pouch unod ang 500 pesos na buy bust money ug duha ka pakete sa gidudahang shabu.
Ang narekober na armas, mga buhi og nibuto nga bala ug ang iligal na droga mibalor og kapin 13 mil pesos ang gitugyan ngadto sa SOCO Team alang sa pagkustodiya samtang ang buy bust drug item gi-forward sa SCPCLO alang sa Laboratory Examination.
Mohimo gihapon og inquest filing sa kaso ang kapolisan batok sa suspek na pagsupak sa Section 5 and 11, Article II of RA 9165, RA 10591 ug Direct Assault.
For more info’s and updates, like and share our official facebook account: www.facebook.com/ifm91.9Gensanofficial/
#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: nagpakamatay.jpg]
