BACOLOD CITY – Nadakpan sa ginpatigayon nga buy bust operation ang duha ka mga drug personalities mga las 10:30 kagab-i sa sulod sang room number 213 sang Hotel Las Rocas sa dalan Gatuslao, Brgy. 11, Bacolod City.
Ang mga nadakpan ginkilala nga sanday Alfonso Tanoy, 31 anyos ang edad pumuluyo sang Purok Mahimulaton, Brgy. Banago, Bacolod City kag Christopher Gallardo, 20 anyos sang Purok Bagong Pag-asa, Brgy. Sum-ag, Bacolod City.
Ini sila ang gindakup sa operasyon nga ginpatigayon sang Police Station 1 kag sang mga katapo sang Philippine Drug Enforcement Agency – PDEA sa presensya man sang mga barangay kagawad.
Nakuha sa possession ni Tanoy ang kapin 4 ka sachet sang suspected shabu, drug paraphernalia kag isa ka .38 homemade revolver lakip na ang 4 ka live ammos, samtang, nakuha naman kay Gallardo ang 2 ka sachet sang suspected shabu subong man mga drug paraphernalia.
Sa karon sanday Tanoy kag Gallardo ang detained na sa custodial facility sang Police Station 1./Not the actual photo
