Gi-deklara na sa Philippine Atmospheric Geographical and astronomical services administration, PAG-ASA, sugod kagahapong adlawa April 10, ang “dry season” sa Philipinas.
Kini human na-“terminate” kagahapon, ang hanging amihan, kon North East Monson.
Matud ni June Frivaldo, ang weather Specialist 1 sa PAG-ASA sa Mulogan El Salvador City sa Misamis Oriental, nga sugod usab kagahapon, mipuli ang “Easterly Winds” nga ma-oy nagdala sa ka-init sa panahon karon.
Matud ni Frivaldo, nga bandang 11:00 a.m. kaganinang sayo sa udto, April 11, ilang nalista sa pag-asa ang temperature sa Cagayan de Oro ug Misamis Oriental, nga misaka sa 29.9 degrees Celsius.
Apan matud ni Frivaldo, nga dili pa kini ang labing init nga temperature, nga ilang nalista, sulod sa 11 ka adlaw ning bulan sa April.
Matud ni Frivaldo, nga sugod sa April 1, ilang nalista ang labing kainit sa temperature sa Cagayan de Oro ug Misamis Oriental, niadtong April 1, 8 ug 9, nga misaka sa 31.4 depress Celsius.
Matud ni Frivaldo, nga kon magpasulabi pa ang easterly winds, sa sunod pang mga adlaw, dako ang posibilidad, nga mosaka pa sa 35 ngadto sa 40 degrees Celsius temperature sa Cagayan de Oro ug Misamis Oriental, labi na, kon dili pa mobalik ang hanging amihan, nga ma-oy tigdala sa kabug-naw sa temperature.
Kini ang rason nga nagpahinomdom si Frivaldo, nga likayan ang pagbulad sa adlaw , gikan sa 10 a.m. ngadto sa 3:00 pm. ning panaghon sa dry season, aron malikayan ang sakit, sama sa heat stroke, ug mga sakit sakit sa panit.
