Padayon nga giaghat sa Department of Social Welfare and Development (DSWD)-10 ang mga miyembro sa Pantawid Pamilyang Pilipino Program (4P’s) nga magpabakuna na.
Kini ang gibutyag ni 4P’s DSWD-10 Information Officer, Oliver Inodeo atol sa interview sa RMN DXMB Malaybalay.
Sumala niya nga daghan pa gayud ang mga miyembro nga wala pa nakapabakuna gumikan sa mga hongihong nga adunay dautang epekto ang pagpabakuna sa kalawasan.
Kini human manggawas ang mga nagkadaiyang Fake News sa social media kabahin niini.
Maong gipaningkamutan karon sa DSWD-10 nga magpahigayon og mga orientation mahitungod sa mga nagkadaiyang klasipikasyon sa mga bakuna aron nga mapasabot sa katawhan ug sa mga miyembro nga walay kamatuoran ang mga hongihong mahitungod niini.
Giklaro usab sa pikas nga bahin ni Inodeo nga dili maapektuhan ang pagpangrelease sa mga nagkadaiyang grants sa 4P’s ngadto sa mga miyembro niini bisan og wala nabakunahan apan hugot nga gipanghingusgan nga magpabakuna gayud batok sa sakit nga Covid-19.
